Responder
a iste question pote esser un bon puncto de comenciamento pro describer le
fide christian reformate.
Un prime cosa que attrahe le attention, super toto de personas que es accostumate a altere traditiones christian, es le absolute manco (o relative manco, secundo le usage local) de imagines religiose. Isto es le consequentia del conviction que le christianos debe respectar anque le secunde commandamento, le qual establi que le culto divin debe corresponder al voluntate revelate de Deo, que previde le prohibition de imagines religiose.
Un
secunde characteristica del interior de un ecclesia reformate es su aspecto
fundamental de auditorio (con sedes e equipamento pro ben audir), cuje puncto
focal es le pulpito, le loco al qual se pone le predicator e/o conductor del
servicio divin.
De facto, pro le ecclesia reformate, al centro del servicio divin, es le predication del Parola de Deo. In le servicio divin on audi le Parola de Deo communicate: se lege ex le Biblia, se explica su contento e se applica al vita concrete in le qual illo debe esser obedite fiduciosemente.
Ante le pulpito, normalmente, il ha un tabula, sur le qual es ponite un
grande Biblia aperite, symbolo que illo contine le Parola de Deo, le qual es le
sol regula de nostre fide e comportamento.
Le tabula
servi alsi pro le celebration del Cena del Senior e del Baptismo, nostre duo
exclusive sacramentos.
Le sacramentos pote esser considerate un predication visual del factos central
del fide christian: le obra facite per le Senior Jesus Christo. Jesus ipse
establiva iste sacramentos e ancora hodie, per illos, Deo opera soveranemente
quando illos se celebra.
In le sala del culto il ha normalmente alsi un instrumento musical (p. ex. organo, harmonium, pianoforte) pro accompaniar le canto del assemblea. Ante entrar in le auditorio, le fideles prende un copia del libro del cantos. Durante le culto, a momentos fixate, le conductor del culto annuncia le canto que omnes cantara. Le cantos consiste de versiones metric de psalmos biblic o altere compositiones, le quales exprime diverse sentimentos religiose o proclama veritates biblic. Le canto pote esser considerate le responsa choral del fideles al diverse momentos del culto, in le quales nos recognosce le Senior que nos parla.
Preside
le culto, normalmente, un ministro de culto, o pastor. Ille es un servitor a
plen tempore del ecclesia, le qual es nominate per le assemblea del communitate
local e approbate per le assemblea general del ecclesias reformate in un
determinate region, o synodo. Le pastor es preparate pro su servicio per le
facultate de theologia de un universitate (public o private). Su studios include
le linguas grec e hebraic (linguas original del Biblia), e dura 4 o 5 annos.