1 Samuel, cap. 3

1 Samuel

3

Le vocation de Samuel

1Intertanto, le puero Samuel ministrava le Senior sub le supervision de Eli. Reciper un message del Senior esseva un evenimento multo rar in ille tempores e le visiones revelatori non esseva frequente. 2Le vista de Eli se habeva nunc jam debilitate e ille non videva plus ben. Un vespere, ille habeva vadite a lecto. 3Le lampada de Deo ancora non habeva se extinguite e Samuel jaceva alsi in le templo del Senior ubi il habeva le arca de Deo. 4Le Senior vocava Samuel, e ille replicava: “Ecce me”. 5Ille se levava e curreva ad Eli e le diceva: “Ecce me, nam tu me vocava”. Eli, tamen, le diceva: “Ma io non te vocava. Retorna a dormir!”. Assi ille retornava a dormir. 6De novo le Senior vocava Samuel: “Samuel!”. Samuel assi se levava, vadeva ad Eli, e le diceva: “Ecce me, nam tu me vocava”. Ma Eli diceva: “Io non te vocava, filio mie. Retorna dormir!”. 7Ora, Samuel non cognosceva le Senior quia ille nunquam antea habeva recipite un message del Senioɽ[1]8Assi le Senior le vocava pro le tertie vice, e Samuel de novo se levava, vadeva ad Eli e le diceva: “Ecce me, nam tu me vocava!”. Eli comprendeva, igitur, que il esseva le Senior qui vocava le puero. 9Assi Eli diceva a Samuel: “Vade a dormir. Si alcuno te voca de novo, dice: ‘Parla, Senior, quia tu servitor te audi!”. Assi Samuel retornava a lecto. 10Alora le Senior veniva e itero vocava: “Samuel, Samuel!” e Samuel le replicava: “Parla, Senior, quia tu servitor te audi!”.

11Le Senior diceva a Samuel: “Ecce, io es sur le puncto de facer in Israel un cosa talmente impressionante que quando alicuno audira re isto, ambe su aures tintinnara. 12In ille die io executara adverso Eli e su familia, ab le principio usque al fin, tote lo que io le habeva menaciate facer. 13Tu debe dicer le que mi judicio es sur le puncto de cader sur su familia in eterno propter le iniquitates que ille ben cognosce. Quia su filios contemneva Deo e ille non les disciplinava. 14Ergo io jurava que le peccatos de Eli e de su filios non potera unquam esser pardonate per le medio de sacrificios e de offertas”.

15Assi Samuel remaneva in su lecto usque mane; deinde ille se levava e aperiva le ostios del Tabernaculɔ[2] como ille faceva habitualmente. Ille timeva dicer a Eli re le vision. 16Comocunque, Eli vocava Samuel e le diceva: “Samuel, filio mie!”. Ille replicava: “Ecce me!”. 17Eli diceva: “Qual message Ille te communicava? Non celar me lo. Deo te judicara severmente si tu me occulta alco de lo que ille te diceva!”.

18Assi, Samuel le diceva toto e non le occultava alco. Eli diceva: “Le Senior facera lo que es bon a su oculos”. 19Le Senior esseva con Samuel durante su crescentia, e tote lo que Samuel diceva se comprobava digne de fide. 20Tote Israel, ab Dan a Beer Sheba, comprendeva que Samuel habeva essite confirmate esser un propheta del Senior. 21Le Senior continuava apparer in Shilo e ibi dava messages a Samuel al Tabernaculo.

Notas

  1. O “le messages del Senior non habeva ancora essite revelate a ille”.
  2. O “Domo del Senior”.

https://wikisource.org/wiki/Biblia/Vetule_Testamento/Samuel/1_Samuel_3