Genesis, cap. 9

Genesis

9

Deo confirma su pacto

1Igitur, Deo benediceva Noe e su filios e les diceva: “Cresce, multiplica e replena le Terra. 2Omne creatura vivente del Terra e omne ave del celo essera terrificate de vos. Tote lo que repta sur le terreno e omne pisces del mar es sub vostre autoritate. 3Vos pote mangiar qualcunque cosa que vive. Como io vos ha date le plantas verde, io vos da nunc toto. 4Vos, tamen, non debe mangiar carne que ancora ha in illo le sanguine del vita. 5Certo vos me debera dar conto de vostre sanguine, del sanguine de vostre vita: io require que vos me da conto de vostre sanguine, del sanguine de vostre vitas; le mesmo io require a omne animal; io require al mano del homine de dar me conto del vita human, al mano de cata su fratre. 6Si alicuno effunde sanguine human, su proprie sanguine essera alsi effundite per manos human, quia Deo faceva le esseres human a su proprie imagine. 7Ergo, cresce e multiplica vos; diffunde vos sur le Terra e multiplica vos in illo”.

8Alora Deo diceva a Noe e a su filios: 9“Ecce, io nunc confirma mi pacto con te e tu descendentes post vos. 10E con omne creatura vivente que es con vos, includite le aves, le animales domestic, e omne creatura vivente del Terra con vos, tote illos que sortiva del arca con te – omne creatura vivente del Terra. 11Si, io confirma mi pacto con vos. Nunquam plus omne cosas vivente essera occidite per le aquas de un diluvio, nunquam plus un diluvio destruera le Terra”. 12Deinde Deo diceva: “Isto es le garantia del pacto que io establi con vos e omne creatura vivente con vos, un pacto pro omne subsequente generationes. 13Io ponera mi iride in le nubes, e illo devenira un garantia del pacto inter me e le Terra. 14Quandocunque io porta nubes super le terra e le iride appare in le nubes, 15alora io me rememorara de mi pacto con vos e con tote le creaturas vivente de omne sorta. Nunquam plus le aquas devenira un diluvio e destruera omne cosas vivente. 16Quando le iride essera in le nubes, io lo videra e me rememorara del pacto eterne inter Deo e tote le creaturas vivente de omne sorta que es sur le Terra”. 17Pois Deo diceva a Noe: “Isto es le garantia del pacto que io confirma inter me e omne cosas vivente que il ha sur le Terra”.

Le filios de Noe

18Le filios de Noe, qui sortiva del arca con lor patre, esseva Sem, Cham e Japhet. Cham es le patre de Canaan. 1\9Ab iste tres filios de Noe proveniva tote le gentes que nunc popula le Terra. 20Depost le diluvio, Noe incipeva cultivar le terreno, e ille plantava un vinia. 21Un vice ille bibeva le vino que ille habeva producite, se inebriava e se poneva jacer nude intra su tenta. 22Cham, le patre de Canaan, videva que su patre esseva nude e sortiva a dicer lo a su fratres. 23Alora Sem e Japhet prendeva un roba, lo teneva super lor spatulas e entrava in le tenta retrocedente ut coperir lor patre. Illes lo faceva reguardante in le altere direction ut non vider le genitales de lor patre. 24Quando Noe se eveliava ab le stupor causate del vino, ille apprendeva re lo que Cham, su filio minor, habeva facite. 25Alora ille malediceva Canaan, le filio de Cham, dicente: “Maledicite sia Canaan! que ille deveni pro su parentes le servo del servos”. 26 Deinde Noe diceva: “Que le Senior, le Deo de Sem, sia benedicite, e que Canaan sia su servitor”.

27Depost le diluvio, Noe viveva ancora tres centos quaranta cinque annos. 28In total, ille viveva novem centos cinquanta annos, e pois ille moriva.