Dominica 15-8-2021 – Lecturas biblic in Interlingua

11 August 2021 reformation 0

In le famose obra medieval italian “La divina commedia” scribite de Dante Alighieri, inter multe altere perceptive versos, il ha uno que dice: “”Considerate la vostra semenza: fatti non foste a viver come bruti ma per seguir virtute e canoscenza”, illo es: “Va considerar vostre generation (le natura human): vos non esseva create pro viver como bestias brute, ma pro persequer virtute e cognoscentia”. Unde prendeva Dante iste concepto? Ab le Scripturas hebraic e christian, que defini le dignitate human: solmente apud Deo homines trova bon senso e ver sapientia. Isto es hodie es sovente denegate e dispreciate, ma es lo que celebra le Psalmo 111, nostre prime lectura. Sapientia es le aspiration del magne e proverbial rege Salomon, e alsi lo que le apostolo Paulo doce. Pro isso, como dice Jesus, Parola que deveniva un homine, ille es le insubstituibile nutrimento de nostre humanitate, le substantia del ver progresso human.