Evangelio secundo Mattheo, cap. 12

28 December 2021 reformation 0

1.1.1 Un discussion re le Sabbato
1.1.2 Jesus sana in un die de Sabbato
1.1.3 Jesus, le Servitor qui Deo eligeva
1.1.4 Jesus e le prince del demones
1.1.5 Le arbores e lor fructos
1.1.6 Le signo de Jonas
1.1.7 Le retorno del spirito immunde
1.1.8 Le ver familia de Jesus

Dominica 26-12-2021 – Lecturas biblic in Interlingua

21 December 2021 reformation 0

Le recerca scientific es de facto possibile quia le universo integre functiona secundo precise leges, illos al quales Deo, le Creator, subjectava omne cosas. Le scientia, ergo, experimentalmente los studia e, essayante comprender los, los defini e pois ab illos developpa applicationes. On promove assi le progresso del cultura human. Nostre prime e secunde lecturas de hodie, in observar le phenomenos del natura, celebra le sapientia de Deo in ordinar su rhythmos. Pro le creatura human alsi, tamen, Deo establiva leges de juste comportamento ethic e moral que garanti lor vita. Ille los imprimeva in nostre conscientia e explicitemente Ille los proclamava per le prophetas de Israel (Moses per exemplo), su populo eligite – appellate a esser al servicio de illos. Differentemente ab le altere creaturas, le humanos recipeva le facultate de comprender e adherer conscient- e creativamente a iste leges de comportamento. Quando le humanos refusa de conformar se a tal leges, illes apprende ab le inevitabile consequentias negative que illes suffre (le justitia de Deo) que: “le lege es sancte, e le commandamento es sancte, juste e bon” (Romanos 7:12). Isto es le pedagogia de Deo, mentionate in nostre tertie lectura. Non se tracta, tamen, de consequentias semper irreparabile, quia in Su gratia le lege moral de Deo es como un pedagogo qui accompania le persona e le societate a trovar redemption e restablimento in le Salvator Jesus Christo. “Proque le lege esseva date per Moses, ma gratia e veritate veniva per Jesus Christo”. Isto es le puncto culminante de nostre quarte lectura. Sia le lege de Deo, sia le gratia de Deo in Jesus Christo, es donos magnific que Deo nos face: il non ha un sin le altere, proque illos characterisa nostre communion authentic con Deo. Jesus diceva: “Non reputa que io veniva pro cassar le Lege o le Prophetas; io non veniva pro cassar los, ma pro complir los” (Mattheo 5:7).

Mattheo, cap. 7,8

17 December 2021 reformation 0

Non judica altere personas! Un precaria efficace; Le regula auree, le porta stricte, un arbore e su fructo, le ver discipulo, edificar sur un fundamento solide; non giudica alter persona; Jesu sana un homine leprose; le fide de un officiero roman; un sanation in le domo de Petro; Jewsus defia su discipulos; Jesus appacia un tempesta; Jesus sana le indemoniate gadarene.

Dominica 19-12-2021 – Lecturas biblic in Interlingua

15 December 2021 reformation 0

Le prophetas antique de Israel, como Michea, ab cuje libro nos audira le prime lectura biblic de hodie, transmitteva le Parola de Deo a lor generation. Illo esseva un parola de condemnation, quando illes denunciava le violationes al Pacto que ligava celle nation a Deo, e annunciava le consequentias negative que illes haberea patite. Illo esseva, tamen, un parola alsi de gratia que declarava le fidelitate de Deo, qui haberea complite, nonobstante le infidelitate del nation, le propositos ultime de Deo, illo es facer nascer per lor medio, le Salvator del mundo. Le expressiones de iste prophetas celava multo de plus que referentias al situation immediate de lor tempores. Illes contineva le annuncio del arrivata de un rege messianic, cuje fama e beneficios haberea attingite “tote le confinios” del mundo, e haberea establite Su pace, Su shalom. Iste pace es multo de plus que absentia de guerras: illo es super toto pace con Deo, harmonia con Ille, qui es le fonte de tote lo que es bon pro le humanitate. Como il es annunciate per le secunde lectura, ab le Nove Testamento, littera al Hebreos, le rolos del libros del prophetas parla de Ille, venite pro complir perfectemente le voluntate de Deo. Deo le haberea “preparate un corpore”. Quomodo? Generante lo per le medio de un juvene femina descendente ab le antique rege David, Maria, in le contexto de un familia de personas humil e fidel al Deo de Israel. Le evangelista Luca, al principio de su evangelo, nos parla re le familia de Jesus: gente ordinari del populo, non particularmente eminente o meritori, tamen, que deveniva objecto del privilegio singular de esser le personas ab le quales haberea sortite Jesus, le Salvator del mundo. Non solmente de Jesus, ma alsi de Johannes, le propheta qui le haberea annunciate, preparante, in su generation, mentes e cordes. Maria, matre de Jesus, e Elisabeth, matre de Johannes, feminas fidel a Deo, qui cognosce le Scripturas Sancte, se recognosce in lor respective election, e, a imitation del Psalmos, exprime lor inspirate cantos de laude e de regratiamento, como illo de Maria, le cantico que nos cognosce como le Magnificat, que nos trova al termino del tertie nostre lectura biblic de hodie. Tote isto contine importante lectiones que nos face comprender lo que es le gratia elective de Deo, que salva nos in Jesus Christo. Un gratia vermente stupefaciente!

Le libro del propheta Michea

10 December 2021 reformation 0

1. Introduction; le Judice es preste a arrivar. 2. Judicio contra le oppressores violente; ver e false prophetas; sperantia de restauration. 3. Judicio contra le principes de Israel. 4 Le futur regno del Senior; Le restauratkion consequera le crise. 5. Un rege venira e le residuo del populo prosperara. 6. Le causa del Senior contra Israel; Le culpa e le punition de Israel; 7. Michea lamenta le peccatos de Juda; Jerusalem essera vindicate; oration de clausura.

Dominica 12-12-2021 – Lecturas biblic in Interlingua

8 December 2021 reformation 0

Le prime tres lecturas biblic de hodie pone fortemente le accentuation sur le gaudio, le exultation, sur le “gaude semper in le Senior”. “Il ha hodie poc rationes pro allegrar se”, alicuno poterea dicer a iste puncto…. Non se tracta, tamen, de exhortationes non fundate, non motivate, que non ha alcun fundamento de logica o veritate. Hic se parla, de facto, del attitude fundamental de un persona qui vive in le perspectiva del fide biblic, del disposition del corde e del mente de qui se confideva al Deo ver e vivente, de qui recipeva de tote corde le Evangelio (le Bon Nova) de Jesus Christo. Iste persona pote dicer (e facer le experientia consequente): “Deo es mi fortia. Io confide in Ille. Io time nihil. Le mal non me espaventa. Pro iste ration io non es anxiose. Io ha le pace de Deo in mi corde. Io non lo pote explicar, ma isto es un realitate in me”. Qui diceva assi, in le Biblia, esseva mesmo aggravate per multe afflictiones – illes sapeva, ergo, de quid ille parlava. Non se tracta, tamen, de un pilula calmante, de un somnifero que face dormir. Il non se tracta de obtunder le cerebro como si illo esserea un droga. Isto es le presupposition de un action consequential. Como nos vide in le quarte lectura, illes qui recipeva de bon grado le message de Johannes Baptista quereva: “Que debe nos facer nunc?”. Il ha necessarimente actiones consequential al dono del gaudio e del pace interior. Sur celle fundamento nos debe ager. Il ha actiones ethicamente constructive a facer sur le base del principios e exemplo del Senior e Salvator Jesus Christo. Ergo non depression e “manos debilitate”, non false securitates, ma actiones creative e constructive. Le Evangelio es un ingagiamento personal: nos debe viver lo e proclamar lo.