Dominica 30-5-2021 – Lecturas biblic in interlingua

Dominica, le 30 de Maio 2021 – Prime dominica post Pentecoste

Lecturas biblic: Psalmo 29; Isaia 6:1-8; Romanos 8:12-17; Johannes 3:1-17 con le voces de Paolo Castellina, Péter Kovacs, Simona Cantarella, Carmelo Serraino, Bob McCarthy.

Deo es active efficacemente in nostre medio in le obra de su Sancte Spirito. Le lecturas biblic de iste dominica Le celebra ponente in evidentia Su plure operationes. Le lecturas releva como Ille se exprime in le phenomenos del natura, in le vocation de Su portavoce electe e in le nove stilo de vita al qual es pulsate les que Deo eligeva al salvation. Il es super toto in le purification e regeneration del cordes de peccatores, al qual on necessita reguardar pro discoperir quanto le obra soveran de Deo se manifesta. Esque nos lo vide? E, super toto, esque nos participa in illo? 

I. Psalmo 29

Deo exprime Se ipse in varie manieras. Le Psalmo 29 celebra iste realitate poeticamente quando illo indica, in particular, quanto “su voce” se face audir potentemente per le medio del phenomenos del natura, lo que Ille creava. Multes hodie se demonstra surde a iste voce e non pote audir lo. Non assi le populo de Deo, que audi iste voce e exalta su soveranitate.

“Ascribe al Senior, oh filios de Deo, ascribe al Senior gloria e potentia! Ascribe al Senior le gloria de su nomine, adora le Senior in le splendor de su sanctitate! Le voce del Senior reverbera super le aqua del mares. Le Deo del gloria tonitrua, le Senior tonitrua super le oceanos. Le voce del Senior es potente; le voce del Senior es majestose. Le voce del Senior frange le forte cedros; le Senior fracassa le cedros del Libano. Ille face saltar le montes del Libano como un vitello; ille face salir le Monte Hermon como un juvene bove salvage. Le voce del Senior sidera con flammas de foco. Le voce del Senior succute le deserto; le Senior face tremer le deserto de Kadesh. Le voce del Senior face flecter large arbores e denuda forestes. In su templo omnes crita: “Gloria!”. Le Senior domina le aquas del diluvios. Le Senior sede sur su throno regal pro semper. Le Senior da fortia a su populo. Le Senior benedice su populo con le pace”.

II. Isaia 6:1-8 – Le commission de Isaia

Alcun personas ha essite elegite per Deo, in maniera unic e irrepetibile, como portatores de Su Parola qua prophetas e apostolos. Sicut le propheta Isaia in le Vetule Testamento, alsi le Apostolo Paulo assi testifica, parlante de se ipse: “Io sape que iste homine (io non sape si isto eveniva in le corpore o extra le corpore, Deo lo sape) esseva rapite usque al paradiso e audiva cosas que on non pote exprimer con parolas, cosas que non es permittite exprimer” (2 Corinthios 12:3-4). Illes esseva personas ordinari qui esseva consciente de lor indignitate de expler un tal commission, e illes lo confessa apertemente sicut Isaia in iste texto. Deo tamen les purifica e face de illes Su portavoces autoritari. A nos Deo dice: “Insimul nos es le domo ubi ille habita, le domo edificate sur le fundamento del apostolos e del prophetas. Christo Jesus ipse es le lapide principal de iste domo” (Ephesios 2:20).

“In le anno del morte del rege Ozias, io videva le Senior sedente sur un throno excelse. Le orlo de su roba replenava le Templo. Seraphines stava juxta ille. Cata un de illes habeva sex alas: con duo alas illes se coperiva le visage, con duo illes coperiva lor pedes, e con duo illes volava. Illes clamava le unes al alteres e diceva: ‘Sancte, Sancte, Sancte es le Senior del universo! Le terra integre es plen de su gloria!’. Le sono de lor voces succuteva le pivotes del portas, e le Templo esseva replete de fumo. Inde io diceva: “Guai a me: io es perdite! Quia mi labios es polluite de peccato, e io habita inter un populo cuje labios es polluite de peccato. Mi oculos videva le Rege, le Senior del universo”. Uno del seraphines tamen, volava verso me. In su mano il habeva un carbon ardente, prendite del altar con un forcipe. Con illo ille tangeva mi bucca e diceva: “Iste carbon ardente ha tangite tu labios. Tu iniquitate ha essite removite; tu peccato es pardonate!”. Deinde io audiva le voce del Senior qui diceva: “Qui mandara io? Qui vadera pro nos?”. Io respondeva: ‘Ecce, manda me!’”.

III. Romanos 8:12-17 

Le gratia del election a salvation nos ingagia a “mortificar” le obras de nostre vetule vita pro esser conducite per le Spirito de Deo. Pro nostre vetule natura nos non plus ha alcun debita a pagar. Nostre nove “maniera de esser” como personas renovate e pulsate per un spirito nove, testifica nos le libertate que nos recipeva e le hereditate que in Christo, semper propter le sol gratia de Deo, essera nos date.

Assi, fratres e sorores, nostre obligation non es plus verso le carne de viver secundo le carne proque si vos vive secundo le carne, vos morira, ma si per medio del Spirito vos mortifica le obras del corpore, vos vivera. Proque tote illes qui es conducite per le Spirito de Deo es filios de Deo. Vos, de facto, non recipeva le spirito del sclavitude que conduce ancora un vice a viver in le pavor, ma vos recipeva le spirito del adoption, per le qual nos exclama: “Abba, Patre!”. Le Spirito mesme rende testimonio a nostre spiritos que nos es filios de Deo, e si nos es filios, nos es alsi heredes (illo es heredes de Deo e co-heredes de Christo) – si, in effecto, nos suffre con ille a fin que nos sia alsi glorificate con ille”.

IV. Johannes 3:1-17 – Conversation con Nicodemo

Un erudite experto de religion veni privatemente a Jesus, durante un nocte, pro discoperir “Su secreto”. Pro poter comprender vermente Jesus, tamen, ille necessita de un spirito nove, o plus tosto de un transformation interior que ni su studios, ni su religiositate le poteva dar. Jesus, assi, ille nocte, le doce un importante lection re le obra de transformation del Spirito de Deo. Isto solmente le potera dar le necessari comprension del persona e obra del Christo.

Ora, un certe homine, un phariseo qui se appellava Nicodemo, qui esseva membro del consilio governamental del judeos, veniva ad Jesus in le nocte, e le diceva: “Rabbi, nos sape que tu es un magistro qui veni de Deo, quia nemo poterea facer le signos miraculose que tu face, nisi Deo es con ille. Jesus replicava: “Io te dice le solemne veritate: A minus que un persona ha nascite de supra, ille non potera vider le regno de Deo”. Nicodemo exclamava: “Como poterea un homine nascer de novo quando ille es vetere? Ille non poterea retornar in le ventre de su matre e nascer un secunde vice. Nonne?”. Jesus respondeva: “Io te dice le solemne veritate, nisi un persona nasce de aqua e de spirito, ille non pote entrar in le regno de Deo. Quid nasce ex carne es carne; e quid nasce ex le Spirito es spirito. Assi, non sia surprendite que io diceva a vos: Il es necesse que vos nasce de novo. Le vento spira ubi illo vole: vos audi le sono que illo face, ma vos non sape unde illo veni e a ubi illo vade. Assi il es pro quicunque qui ha nascite ex le Spirito”. Nicodemo replicava: “Quomodo iste cosas pote evenir?”. Jesus le respondeva: “Tu es un magistro in Israel e isto tu ignora? Io dice a vos le solemne veritate: nos parla re lo que nos cognosce e testifica de lo que nos videva, ma vos non accepta nostre testimonio. Si io vos parlava re cosas terren e vos non crede, como credera vos si io parla a vos re cosas celeste? E nemo ascendeva in celo, nisi qui descendeva del celo, le Filio del Homine. E sicut Moses levava le serpente in le deserto, ita il es necesse que le Filio del Homine sia levate in alto, ut omnes qui crede in ille habe vita eterne”. Quia isto es le maniera per le qual Deo amava le mundo: ille dava su Filio unigenite, ut omnes qui crede in ille non peri, ma habe le vita eterne. Quia Deo non mandava su Filio in le mundo pro condemnar le mundo, sed ut le mundo sia salvate per su medio”.

Oration

Omnipotente e eterne Deo, tu dava a nos, tu servos, le gratia, per le medio del confession de un fide ver de recognoscer le gloria del eterne Trinitate, e, in le fortia de Tu majestate divin, adorar le Unitate! Preserva nos constanteneemente in iste fide e adoration, e porta nos finalmente a vider Te, in Tu gloria eterne e unic, oh Patre; qui con le Filio e le Spirito Sancte vive e regna, un sol Deo, in le seculos del seculos! Amen.

Musicas empleate in iste programma:

  • Jesu, Joy of Man’s Desiring (Bow and Ivory)
  • Psalm 29 from the Genevan Psalter – settings Anonymous & by Goudimel (YouTube, My Years With Early Music)
  • He Is Arisen, Glorious Word (Presbyterian Piano)
  • Awesome God (Matt Carlson), Top Praise and Worship on Ukulele
  • God of Grace, God of Glory (The Methodist Hymnal)
  • Come Thou Font (Christopher Woods)
  • Holy, Holy, Holy (Philip Keveren, David Angell).