Job, cap. 25 e 26

25

Le tertie discurso de Bildad

1Alora Baldad le shuhita diceva: 2“Deo es potente e espaventabile. Ille establi le pace in le Celos. 3Qui poterea unquam numerar su armeas? Esque non su lumine brilla super le Terra integre? 4Como poterea un esser human[1] esser justificate ante Deo? Como poterea uno nascite de un femina esser pur? 5Deo es plus gloriose quam le Luna; ille resplende plus clar que le stellas. 6Quanto minus lo es un homine, qui es solmente putrefaction, le filio del homine, qui es solmente un verme”.

Notas

  1.  O “mortal”.

https://wikisource.org/wiki/Biblia/Vetule_Testamento/Job/Job_25

26

Replica de Job a Bildad

1Alora Job replicava e diceva: 2Quomodo adjuvava tu le impotente e susteneva le bracios de le qui non es forte? 3Quomodo tu dava consilios a le qui non ha sapientia e ostendeva tu plurime prudentia? 4A qui tu voleva docer e cuje spirito parlava per tu medio?

5Le mortos trema – le umbras qui geme sub le aquas e qui habita con illes. 26Le inferno[1] es nude coram Deo; le loco del perdition es del toto discoperite pro ille. 7Deo extende le celos del nord super le vacuo; ille suspende le Terra super le nihil. 8Ille inveloppa le aquas in su nubes e le nubes non erumpe sub lor peso. 9Ille tege le facie del Luna plen[2], expandente super illo su nebulas. 10Ille circumfereva le aquas con terminos precise; ille poneva confinios inter die e nocte. 11Le columnas del Celo treme e freme de pavor propter su reproches. 12Con su potentia ille calma le mar; con su prudentia ille percute Rahab, le monstro marin. 13Su Spirito rendeva belle le Celos e su manos ille perciava le serpente fugiente. 14Istos es solmente le fimbrias externe de su vias; simplemente un susurro de su poter. Qui poterea unquam comprender le tonitro de su magnitude?

Notas

  1.  O “Ades”, “mundo subterranee”.
  2.  O “coperi su throno”.

https://wikisource.org/wiki/Biblia/Vetule_Testamento/Job/Job_26