conformemente al anno liturgic del ecclesias christian

Prime dominica de Advento

Omnipotente Deo, da nos le gratia de spoliar nos del obras del tenebras e de vestir nos con le armatura de lumine, nunc in le tempore de nostre vita mortal in le qual tu filio Jesus Christo veniva visitar nos in grande humilitate; ut in le dies ultime, quando ille retornara in su gloriose majestate pro judicar le viventes e le mortos, nos resurge a vita immortal; per ille qui vive e regna con te e con le Spirito Sancte, un sol Deo, nunc e semper. Amen.

Secunde dominica de Advento

Misericordiose Deo, qui mandava tu messageros, le prophetas, a predicar le repententia e a preparar le via de nostre salvation: Da nos le gratia de prestar attention a lor advertimentos e derelinquer nostre peccatos, ut nos saluta con gaudio le advento de Jesus Christo, nostre Redemptor; que vive e regna con te e con le Spirito Sancte, un sol Deo, nunc e semper. Amen.

Tertie Dominica de Advento

Suscita tu potentia, oh Senior, e con grande fortia veni inter nos; e quia nos es tanto dolorosemente inhibite per nostre peccatos, que tu generose gratia e misericordia veni in nostre adjuta e libera nos. Per Jesus Christo, nostre Senior, al qual, con te e con le Spirito Sancte, sia omne honor e gloria, nunc e pro semper. Amen.

Quarte Dominica de Advento

ifica nostre conscientia, Omnipotente Deo, con tu visitation quotidian, ut tu Filio Jesus Christo, quando ille retornara, pote trovar un demora preparate pro ille; que vive e regna con te, in le initate del Spirito Sancte, un sol Deo, nunc e semper. Amen.

Dominica de Natal

Oh Deo, le celebration annual del nascentia de tu Filio unic Jesus Christo allegra nos multo: accorda que nos, qui le recipe con gaudio como nostre Redemptor, pote con certe fiducia reguardar le quando ille retornara como nostre Judice; que vive e regna con te e con le Sancte Spirito, un sol Deo, nunc e semper. Amen.Oh Deo, le nocte in le qual nostre Salvator Jesus Christo nasceva, fulgeva del brillantia del ver Lumine: accorda ut nos, que ha cognoscite le mysterio de ille Lumine super le terra, pote alsi gauder le perfectemente in celo; ubi con te e con le Spirito Sante ille vive e regna, un sol Deo, in le eterne gloria. Amen.Omnipotente Deo! Tu donava nos tu Filio unigenite, le qual sumeva in se ipse nostre natura e nasceva de un pur virgin: Accorda ut nos, qui esseva spiritualmente regenerate e facite tu filios per adoption e gratia, pote esser renovate omne die per tu Sancte Spirito; per nostre Senior Jesus Christo, al qual con te e le mesme Spirito, sia honor e gloria, nunc e semper. Amen.  

Prime dominica post Natal

Omnipotente Deo, tu effundeva super nos le nove lumine de tu Verbo incarnate: Accorda que iste lumine, accendite in nostre corde, pote brillar in nostre vita; per Jesus Christo nostre senior, qui vive e regna con te, in le unitate del Sancte Spirito, un sol Deo, nunc e semper. Amen.

Secunde dominica post Natal

Oh Deo, qui meraviliosemente creava, e ancora plus meraviliosemente restabliva le dignitate del natura human: concede que nos pote prender parte al vita divin de ille, que se humiliava pro prender parte a nostre humanitate, tu Filio Jesus Christo; que vive e regna con te, in le unitate del Spirito Sancte, un sol Deo, nunc e semper. Amen.

Prime dominica post le Epiphanìa

Nostre Patre qui es in le celos! Qui al baptismo de Jesus in le fluvio Jordan le ha proclamate tu Filio grandemente amate e le ha consacrate con le Spirito Sancte: Concede que tote illes que es baptisate in su Nomine honora fidelmente le pacto establite e coragiosemente le confessa como Senior e Salvator; que con te e con le Sancte Spirito vive e regna, un sol Deo, in gloria eterne. Amen. 

Secunde Dominica post le Epiphanìa

Omnipotente Deo, cuje Filio, nostre Salvator Jesus Christo, es le lumine del mundo: Concede que tu populo, inluminate per tu Parola e Sacramentos, pote brillar del radiantia del gloria de Christo, ut ille sia cognoscite, adorate e obedite usque le confinios del terra; per Jesus Christo, nostre Senior, qui con le Sancte Spirito vive e regna, un sol Deo, nunc e semper. Amen.

Tertie Dominica post le Epiphania

Oh Senior! Da nos le gratia de responder promptemente al vocation de nostre Salvator Jesus Christo e de proclamar le Bon Nova de su salvation, ut nos e le integre mundo pote perciper le gloria de su meraviliose obras; qui vive e regna con te e con le Spirito Sancte, un sol Deo, nunc e semper. Amen.

Le Presentation de Jesus

Oh Senior! Da nos le gratia de responder promptemente al vocation de nostre Salvator Jesus Christo e de proclamar le Bon Nova de su salvation, ut nos e le integre mundo pote perciper le gloria de su meraviliose obras; qui vive e regna con te e con le Spirito Sancte, un sol Deo, nunc e semper. Amen.

Quinte Dominica post le Epiphania

Libera nos, oh Deo, ab le servage de nostre peccatos, e da nos le libertate de ille vita abundante que tu ha facite nos cognoscer in tu Filio e Salvator nostre Jesus Christo; qui vive e regna con te, in le unitate del Spirito Sancte, un sol Deo, ora e pro semper. Amen.

Sexte Dominica post le Epiphania

Oh Deo, fortia de tote illes que se confide a te: accepta misericordiosemente nostre preces; e nam in nostre debilitate nos non pote facer alco de bon sin te, da nos le adjuta de tu gratia, ut in observar tu commandamentos, nos pote complacer te sia in le voler que in le facer; per Jesus Christo, nostre Senior, qui vive e regna con te e con le Spirito Sancte, un sol Deo, nunc e semper. Amen.

Ultime dominica post le Epiphania

Oh Deo, que ante le patimentos de tu unigenite Filio, tu revelava su gloria super le monte sancte: Concede que, in vider per fide le lumine de su facie, nos pote esser reinfortiate in portar nostre cruce e in esser transformate a su imagine de gloria in gloria; per Jesus Christo, nostre Senior, que vive e regna con te e con le Spirito Sancte, un sol Deo, nunc e semper. Amen.

Prime dominica de Quaresima

Omnipotente Deo, cuje Filio benedicte esseva ducite per le Spirito a esser temptate per Satana: Vene tosto pro adjutar nos, nos qui es assalite per multe temptationes; e si como tu cognosce le punctos debile de cata un de nos, lassa que nos experi tu potentia del salvation; per Jesus Christo, tu Filio, nostre Senior, qui vive e regna con te e con le Sancte Spirito, un sol Deo, nunc e pro semper.

Secunde dominica de Quaresima

Oh Deo, cuje gloria es semper esser misericorde: Sia gratiose verso omnes que esseva discamminate de tu vias, e reporta les retro con cordes penitente e fide resolute a imbraciar e tener se firmemente al immutabile veritate de tu Parola, Jesus Christo tu Filio, qui con te e con le Spirito Sancte vive e regna, un sol Deo, nunc e semper. Amen.

Tertie dominica de Quaresima

Omnipotente Deo, tu sape que nos ha nulle poter in nos ipse pro adjutar nos mesme: Preserva nos sia externemente in nostre corpore que interiormente in nostre anima, ut nos sia protegite de omne adversitates que pote incider al corpore, e de omne mal pensamento que pote attaccar nostre anima; per Jesus Christo nostre Senior, que vive e regna con te e con le Spirito Sancte, un sol Deo, nunc e pro semper. Amen.

Quarte dominica de Quaresima

Patre de omne gratia, cuje Filio benedicte Jesus Christo descendeva del celo ut esser le ver pan qui da vita al mundo: da nos semper de iste pan, ut ille pote viver in nos e nos in ille; qui vive e regna con te e con le Spirito Sancte, un sol Deo, nunc e semper. Amen.