Psalmo 26

26. Declara me innocente oh Deo

Le autor invita le Senior a poner a proba su integritate, assere su innocentia e declara su loyalitate a Deo.

1Un psalmo de David. Declara me innocente, oh Deo, quia io ageva con integritate; io confideva in le Senior sin vacillar. 2Examina me, oh Senior, e pone me a proba. Evaluta mi mi pensamentos interior[1] e motivationes[2]3Quia tu misericordia es ante mi oculos e io ambulava in tu veritate. 4Io non me associava con mentitores o me univa con hypocritas. 5Io odia le congregationes de malfactores e refusa de seder me con le impios. 6Io lava mi manos pro declarar mi innocentia. Io veni a tu altar, oh Senior, 7cantante un canto de regratiamento e enarrante tu actos stupefaciente. 8Oh Senior, io ama le templo ubi tu vive, le loco ubi le splendor de tu presentia es revelate. 9Non falcar me insimul al peccatores; non condemnar me insimul al assassinos. 10Lor manos es plen de iniquitates e constantemente illes recipe donos de corruption. 11Ma io non es assi: io vive con integritate. Ergo redime me e commisera me. 12Nunc mi pedes es firme sur terreno solide e io laudara publicamente le Senior.

Notas

  1.  Litt. “mi renes”.
  2.  Litt. “mi corde”.

https://wikisource.org/wiki/Biblia/Vetule_Testamento/Psalmos/Psalmos_26