Psalmo 4

Psalmos

4. Quando io te invoca, exaudi me

Le psalmista pete a Deo de exaudir su precaria e exprime su fiducia que le Senior intervenira. Ille exorta su inimicos a repentir se e confider in Deo Ille conclude con un altere precaria ut Deo interveni e affirma su confidentia absolute in le protection de Deo.

1Pro le magistro del choro: un psalmo de David a accompaniar se per instrumentos a corda. Quando io te invoca, exaudi me, oh Deo de mi justitia[1]. Ligamines de tribulation me constringe, ma tu me portara libere in locos late e aperte. Habe compassion e exaudi mi oration! 2Vos, qui me persecuta[2], usque a quando essayara de ruinar mi reputation[3]? Usque a quando vos me accusara sin ration[4]? Usque a quando vos continuara mentir[5]? [Interludio]

3Comprende que le Senior manifesta su favor a les qui le es fidel[6]. Quando io invoca le Senior, ille me exaudi. 4Non permitte al ira de inducer vos a peccar. Quando vos jace in vostre lectos, pensa re isto e remane silente. [Interludio]

5Offere sacrificios con un juste spirito; confide in le Senior. 6Multes dice: “Qui monstrara nos tempores melior?”. Oh Senior: que tu facie ante nos se illumina con un surriso! 7Tu me dava un gaudio plus grande que illes qui ha recoltas abundante de grano e de vino nove. 8In pace io me ponera a jacer e io dormira, quia tu, oh Senior, me rendera san e secur.

Notas

  1. O “Oh Deo qui me vindica”, o “qui declara mi innocentia”.
  2. Litt. “Oh, filios del homine”.
  3. Litt. “De transformar mi honor in vergonia”.
  4. O “amara le vanitate”.
  5. O “querera quid es mendace”.
  6. O “a su sanctos”.

https://wikisource.org/wiki/Biblia/Vetule_Testamento/Psalmos/Psalmos_4