Le musica que vos audi in le registrationes audio de nostre lecturas biblic veni del Psalterio de Geneva, un traduction complete del 150 psalmos del Biblia facite in rima francese, accompaniate per melodias destinate a esser cantate durante le culto christian protestante. Iste corpore de 150 psalmos, insimul a alicun canticos, esseva elaborate in etappas successive inter 1539 e 1562 a Strasburgo e pois a Geneva sub le impulsion e le supervision de Johannes Calvin. Le melodias, totes anonyme, es attribuite a differente autores, in particular Guillaume Franc, Loys Bourgeois et Pierre Davantès. Iste melodias esseva empleate usque hodie in multe partes del mundo con versiones metric del Psalmos in plure linguas. Nos non ha (ancora!) un version metric de iste psalmos in Interlingua, ma nos pote jam gauder del musicas.
In nostre registrationes, nos emplea le version per guitarra elaborate de Simone Caneparo. Vos los trovara in iste sito web sub lor nomines in lingua latin, e comprende le audio e le partitiones musical, sovente con le texto in lingua italian. Nos adde alsi sovente le version musical de Ernst Stolz, sonate con instrumentos antique
Un exemplo de rendition cantate vos lo potera trovar in lingua corean a iste adresse.
Lingua anglese
Lingua hungare